FKA-DK býður konur velkomnar á fyrsta viðburð annarinnar, Nýtt upphaf!

Við ætlum að hefja starf vetrarins þriðjudaginn 19. ágúst kl. 19:00 í Jónshúsi.

Dagskrá:

• Kynning á starfsemi félagsins og starfi vetrarins fyrir nýjar og eldri félagskonur.

• Stuttur tengslamyndunar leikur

• Sigga Dögg: Frá kynfræðingi til rithöfundar – umbreyting á eigin forsendum

Sigga Dögg hefur lengi verið þekkt fyrir ófeimna og áhrifaríka rödd í fræðslu um kynlíf og nánd. Sem fyrirlesari og kynfræðingur hefur hún opnað samtal um málefni sem lengi voru þögguð.

Í dag hefur hún stigið inn í nýtt hlutverk: rithöfundur sem skrifar um konur, umbreytingar, sjálfsuppgötvun og frelsi. Í skrifum sínum snýr hún sjónum inn á við og skoðar líf kvenna af dýpt, húmor og einlægni.

Sigga Dögg mun deila sinni persónulegu vegferð frá sviði fræðslu yfir í skáldlegt skrif og hvernig umbreytingar í lífinu kalla oft á nýja rödd.

Boðið verður upp á léttar veitingar.

Við bjóðum nýjar félagskonur sérstaklega velkomnar á viðburðinn.

Hlökkum til að hitta ykkur allar!

FKA-DK er samfélag kvenna á öllum aldri. Kvenna sem starfa við allskonar störf; hjá hinu opinbera, í einkageiranum eða eru sjálfstætt starfandi. Þær eiga það þó allar sameiginlegt að vera staðsettar í Danmörku. Í FKA-DK styðja, hvetja og lyfta konur hverri annarri upp. Allir viðburðir félagsins eru opnir og þú þarft ekki að vera skráður meðlimur. Við tökum glaðar á móti nýjum félagskonum og þá gildir einu hvort þú mætir ein eða með vinkonu. Vertu hjartanlega velkomin.