Alþjóðlegur baráttudagur kvenna er 8. mars, en verður að þessu sinni haldinn hátíðlegur í Jónshúsi mánudaginn 6. mars. 

Staðfestingargjald er 30 kr. og athugið að aðeins eru 50 miðar í boði.

Dagskrá kvöldsins:18:00 Húsið opnar og veitingasala hefst. 

Kvennakórinn Eyja stendur fyrir veitingasölu, en á boðstólnum verður léttur réttur og kaka, ásamt drykkjarföngum"

19:00 Kvennakórinn Eyja syngur

19:15 Arfur kvenna - erum við í bakslagi?
Sagnfræðingurinn Sigurbjörg Elín segir frá íslenskri kvennabaráttu sem flæðandi fyrirbæri sem breytir um áherslur og skoðanir, fer tvö skref áfram og eitt afturábak. Saman skoðum við hugtök eins og þriðja vaktin og ósýnileg vinna, og mögulegar ástæður þess af hverju konur eru settar, eða setja sjálfar sig, í slík verkefni. Hversu stutt er síðan vinnuvikan eins og við þekkjum hana varð til, síðan konur fóru á vinnumarkaðinn, síðan konur stofnuðu velferðarríki með spítölum og leikskólum.
Hver er staðan núna, hvert viljum við fara og höfum við sett hina klassísku húsmæðraímynd aftur á stall í gegnum samfélagsmiðla?
Sigurbjörg Elín Hólmarsdóttir er sagnfræðingur og hefur rannsakað kvenlegar ímyndir í matreiðslubókum og breytileg hlutverk húsmæðra, með greinaskrifum, í námi og nú síðast í þáttaröðinni Húsmæður Íslands, sem voru á dagskrá Rásar 1 fyrir jól.

20:00 Fjöldasöngur, "Áfram stelpur!"

21:10 Umræður og tengslamyndun

21:00 Viðburði líkur

Vel mætt!

FKA-DK og Kvennakórinn Eyja