Húsgögn og hönnun – framleiðandinn og hugmyndasmiðurinn…

Við heimsækjum hið rótgróna og leiðandi framleiðslufyrirtæki á sviði húsgagnahönnunar, Fritz Hansen, sem starfrækir verksmiðju og sýningarsal, í Allerød rétt fyrir utan Kaupmannahöfn.

Hér mun Lilja Dröfn Pálsdóttir, Contract Coordinator hjá Fritz Hansen, sýna okkur sýningarrými fyrirtækisins, þar sem m.a. er hægt að skyggnast inn í nákvæma eftirlíkingu á margrómuðu herbergi Radisson SAS hótelsins, „Room 606“ sem er helgað Arne Jacobsen, einum þekktasta húsgagnahönnuði og arkitekt Dana.

Hér á eftir verður okkur boðið í fundarsal Fritz Hansen, þar sem boðið verður upp á léttar veigar og fyrirlestur. Hér gefur Ragna Sara Jónsdóttir, stofnandi hönnunarfyrirtækisins FÓLK REYKJAVÍK (stofnað 2017)  okkur innsýn í heim þess að reka hönnunarfyrirtæki á Íslandi – þau fjölmörgu flækjustig sem geta sýnt sig í hönnunar- og framleiðsluferlinu, áskoranir þess að hafa umhverfis- og samfélagsábyrgð að leiðarljósi – og gleðina sem felst í að styðja við bakið á ungum og hæfileikaríkum íslenskum hönnuðum.

Að lokum verður boðið upp á sushi og drykki í veitingasal Fritz Hansen.

Mæting: 14.00 á Nørreport St., tökum lest kl. 14.10/ en einnig er hægt að mæta beint í Fritz Hansen kl. 15.00. Við reiknum með að vera komin á Nørreport aftur um kl. 21.15, og ef áhugi er fyrir hendi, er möguleiki á að fá sér drykk með hópnum á Bootleggers við Nørreport.

Heimilisfang: Fritz Hansen, Allerødvej 8,  3450 Allerød.

Innifalið: fordrykkur, leiðsögn, fyrirlestur, kvöldverður, vín/bjór/gos

Obs. Lestarmiði er ekki innifalinn.