Marel er leiðandi á heimsvísu í að breyta því hvernig matvæli eru unnin. Fyrirtækið er með starfsemi í yfir 30 löndum, og telur yfir 7000 starfsmenn sem vinna að hugbúnaðarlausnum og þjónustulausnum fyrir fisk-, kjöt og alifuglaiðnaðinn.

Þennan dag heimsækjum við Progress Point, sem er kynningar- og þjálfunaraðstaða fyrir viðskiptavini Marel. Hér starfa 50 manns, en í  glæsilegum húsakynnunum er einnig að finna ýmsar vélar og hugbúnað sem notaður er til að tryggja sem besta nýtingu á matvælunum og efla efnahagsleg verðmæti fyrir fyrirtæki í matvælaiðnaði.

Helena Guðrún Bjarnadóttir rekur Progress Point, en hún starfar sem Global Director of Events- and Democenters. Ásamt öðrum starfsmönnum Marel mun hún kynna fyrirtækið og veita okkur innsýn í framtíðarplönin, en einnig fáum við að upplifa kjötvélar í keyrslu – íslenskar hugbúnaðarlausnir á heimsmælikvarða.

Boðið verður upp á léttar veitingar.

Verð 50 kr.

Næg bílastæði á staðnum, en einnig er boðið upp á samflot frá Nørreport St. Mæting kl. 17.00 fyrir framan 7-11 á Nørreport. Við tökum lest á Tårnby St. en héðan er ekið með leigubíl að Marel í boði FKA-DK (ath. hver og ein greiðir fyrir lestarmiðann sjálf).